05. WAKO National Kickboxing tournament-ah SPES member-ten medal an rawn hawn

October 26, 2017

05. WAKO National Kickboxing tournament-ah SPES member-ten medal an rawn hawn

A GYM WITH A DIFFERENCE

With the innovative mindset of our proprietor Samuel Lalrozama, our gym has helped promote the youths, making use of their talents. On September we sponsored 2 fighters for the MMA nationals and 3 for a muaythai pro league. And now we are fully funding a team of 8 fighters from our gym, out of the total 11 members, for the WAKO India Kickboxing Federation national championship at Chhatisgarh. Thanks to WAKO Mizoram Association leaders for their full support...

Kan gym chuan hruaitu țha tak Samuel Lalrozama kan neih zarah țhalaite talent pho chhuahsak a Mizote hming tih than zel hi kan thupui ber a nia. Thla hmasa khan MMA nationals-ah mi 2 kan sponsor a, Muaythai league ah mi 3, tunah hian Kickboxing nationals atan mizoram team member 11 zingah 8 chu ka gym in kan sponsor leh tawp bawk a ni. Pathian leh kan ram tan kan kal zel ang. WAKO Mizoram Association hruaitute'n engtik lai pawha min support vangin kan lawm tak zet...

Kan gym-in Gold - 2, Silver - 2 leh Bronze 3 kan hawn a ni.

__________________________

REPORT

NATIONAL KICKBOXING CHAMPIONSHIP-AH MIZOTE CHE THA

WAKO National Kickboxing Championship 6-11 September, 2017; Raipur, Chhatisgarh-a neih zawh takah WAKO Mizoram Association tirh Mizo kickboxer te an che tha hle. Mizoram team chu Aizawl, Serchhip, Lawngtlai leh Kolasib district atangin mi 11 an kal a; Gold 3, Silver 3 leh bronze 3 an la. Heng kickboxer-te hi pawlin a sponsor vek a ni. Mizote zinga international referee awm chhun Tv. Samuel Lalrozama, Dawrpui pawh central lamah hotute’n mimal taka an sawmna angin a zuk tel ve e, Mizoram team chu official takin mi 12 an ni ta a ni. He event-ah hian sate leh UT 30 atangin participant mi 1800 an tel. Closing eremony-ah Chhatisgarh Chief Minister Raman Singh leh Bollywood star Amitabh Bachan ten an telpui. Maharashtra chuan gold 45 lain state champion an ni a, Chhatisgarh leh Haryana-in an dawt. He event hi November-a hungary-a Wirld Championship awm tur atana selection a ni nghal.

Mizoram team-te dinhmun:

Official: 1. Samuel Lalrozama, Dawrpui – International Referee & Judge

Cadets (13-15): 2. Rovulluaia, Dawrpui Vengthar; 45kgs: Light Contact - Bronze & Kick Light - Gold

Junior (16-18):

3. Zomuanpuia, Tuithiang; 45kgs: K1 - Quarter final-ah point in a chak lo

4. Lalruatkima, Falkland; 54 kgs: K1 - Silver

5. Lalnunsanga, Khatla South; 58 kgs: Low Kick - Silver

Senior (19-40):

6. Lalramhlua, Bawngkawn/ Hmunțha; 56 kgs: Low Kick - Bronze

7. Lalrinawma, Sihphir; 59 kgs - Full Contact – Quarter final-ah point in a chak lo

8. David Zairemthanga, Zemabawk; 63kgs: K1 -Bronze

9. Ngurlianzuala Sailo, 3rd battalion MAP/ Lawngtlai; 90 kgs: K1 - Gold

10. Vanlalhruaia, Vairengte; 68kgs: K1 - Silver11. Joshua Hmangaihliana, Vairengte; 56kgs: K1 - Gold

12. Lallawmawmi, Vairengte; 49 kgs: K1- Silver

Rka

Sangsanga

Joshua

World Association of Kickboxing Organization (WAKO) hi khawvela kickboxing pawl lian ber a ni a, Olympic Council of Asia leh SportAccord pawhina a pawm a ni. Chutiang bawkin WAKO india hi india rama kickboxing pawl lian ber a ni a, school games leh university games lamah telh a ni tawh a, central sorkar (sports ministry) leh Indian Olympic-in a pawm thuai dawn a ni tih national president Santosh Agarwal chuan a sawi. Tunah hian state leh UT zawng zawngah member an nei tawh a, chung zinga state 10 chuang chu state sorkar leh Olympic association lamin a pawm tawh bawk a ni.

Tuna Mizoram State MMA Association (MISMA) leh Zonet Cable nen tang kawpa buatsaih mek Mizoram Fight League-a fighter thenkat pawh an tel a, medal an la vek bawk a ni: Ngurlianzuala (Mission Veng Juggernatu MMA team Captain, K1 – Gold), David (BCA Brawlers, K1- Bronze), Joshua (Mission Veng Juggernatu MMA team K1 – Gold) leh Lalruatkima (DSZ Fight Club, K1 – Silver)

National Senior Adviser Pu Wasim Ahmed chuan Mizote talent an nei tha hle a, “Tun hma atangin kickboxing hi state tinah mi tha takin kaihruai turin kan zawng kual reng a, tunah chuan Mizoram pawh hi mi dik tak kutah a awm ta niin kan hria a, Mizo fighter-te lakah beisei a sang a World Championship leh Asian Games thelnga India ram min ti hmingthatu an nih ka beise. Internatinlal referee Samuela a fakawmin a che tha hle a, bout sawmnga chuang ni khatah kan hamtir nghe nghe. Mizoramah national leh state level referee and judge seminar nei turin kan rawn zin thuai ang,” tiin a sawi.

Wako Mizoram Association president Pu Francis Vanlalruata-a chuan ti hian a sawi: “Wako Mizoram Association, pawl ding tir leh naupang tak ni siin, hetiang zat zat medal kan han hmu thei hi a ropui tak meuh meuh a. A bul berah chuan Pathian malsawmna avang liau liau a ni a. Chumi zawhah chuan kan hotute, mi inpezo tak takte inphalna leh inpekna avang liau liau a ni a. Pathian leh kan Association tana țhahnem ngai taka hma latute leh kan players zawng zawngte chungah lawmthu ka sawi mawlh mawlh e”. Samuela chuan, “Kickboxing hi kum 2000-ah khan a hmingin mizoramah pawl kan lo din ve a, world championship (200) thleng ka lo khelh ve tawhna a nia, ka ngaina hle a, muay thai leh mma vangin ka chawlhsan hnuah central lam hotute’n hetianga min rawn tharthawhtir leh chuan theih tawpin ka talent leh Pathian zara sum neihte Mizoram leh kan thalaite tan ka hmang zui zel ang,” tih thu a sawi ve bawk.

Wako Mizoram Secretary Hunter M. Hnamte chuan ti hian tlipna a siam ve: “Wako Mizoram Association hi, pawl ding tir leh piangtir te ni siin, Mizoram tana infiammi he ti zat Zoram hmingthat na tura an chhuak thei hi, thil chhinchhiah tlak tak a nih rualin leh medal Mizoram tana fighter ten he ti zat mai an rawn hawn thei hi a ropuiin a ngaihhlut awm hle ani.

“A bul ber chu Pathian hruaina leh awmpuina avang liau liau a ni a.Tin, WAKO Mizoram Association hotute tan tlan na leh thawh hona ina a rah chhuah liau liau a nih bak ah, kan sawihmaih hauh lo tur, Tv. Samuel Lalrozama inpek na vang leh inphalna avang liau liau a ni bawk. Pathian hnenah leh kan Association tana thahnem ngai taka min tawngtai pui tute zawng zawng chungah lawmthu tih tak zet in kan sawi mawlh mawlh bawk e.”