Muaythai nationals 2017-ah medal kan la

Gym member-te nen

Congrats to our gym members for winning medals at the national Muaythai championship 2017. Member kal zawng zawng kan gym leh Muaythai mizoram hmingin an fight a, lawmman an rawn hawn vek a ni. Kan chhuang hle..
 ____________________________________

Muay thai National championship 2017-ah Mizoram team che tha

November ni 3-6, 2017 khan Muaythai national championship chu Shillong-ah khelh a ni a, state leh UT 18 an tel. He event hi International Federation of Muaythai Amateur (IFMA)-in a support-na hnuaia huaihawt a ni a, amateur torunament bakah pro-amateur championship, belt inchuhna  a awm. Mizoram Muaythai team chu National technical director Tv. Samuel Lalrozama Hmar, Dawrpui chuan a telpui a, Mizoram team kal zawng zawngin medal an la vek a ni. Shillong Mizo ten a hmunah enin an support tha hle. Team champion chu Meghalaya niin Mizoram chu overall-ah pathumna a ni. Male best fighter-ah Ngursaimawia Sailo thlan a ni bawk.

Closing ceremony-ah Dr Celestine Lyngdoh, PHED Minister chu Chief guest a ni a; Chief Minister Mukul Sangma chuan phone-in organizer leh national president te duhsakna leh lawmpuina thu a hrilh bawk.

Mizoram team te dinhmun:

Sub Junior

Ginkhohao Haokip, Tuikual/ Tuikual Presbyterian English School - Gold

Ian Lalremruata, Dawrpui/ Living Stones School - Gold

Lalmuanawma, Dawrpui - Gold

Junior

Rovulluaia, Dawrpui Vengthar/ Pioneer Missionary School - Gold

Zomuanpuia, Tuithiang - Gold

PC Lalrinzuala, Tuikual S/ Tuikual Presbyterian English School - Gold

K.Lalrinhlua, Bungkawn/ Monfort Higher Secoondary School - Silver

Senior

Andrew Lalnunmawia, Zonuam - Gold

JH Vanlalhruaia, Vairengte - Bronze

Vanlalhruaia, Dawrpui Vengthar - Bronze

Ngursaimawia, Luangmual - Gold & title belt

Ngurlianzuala Sailo, 3rd MAP, Lily veng - Gold

Lalhlimpuia, Zonuam,MRP - Gold & Pro-Am Silver

Lalhriathlua,Chhiahtlang - Bronze

Mizoram representative Pu Lalmuanpuia Hmar chuan ti hian a sawi, “Muaythai India - Mizoram Hmingin kan hlawhtlinnanaah lawmthu ka sawi a ni, kan hotute- Mr. Samuel leh technical body-a thawhpuite inpekna leh thawhrimna vanga heti ang dinhmun ropui tak thleng thei hi kan ni a; chu mi piah lamah kan player-te inpekna leh taimakna vang a ni. 

Tun dinhmunah hian muaythai association-in buaina chhete kan neih lai a nih vangin mahni suma kal ngai a ni chung pawha mi 14 ngawt kan la kal thei hi nu leh pate leh kan pawl hruaitute phurpuina nasa tak kan hmuh vang a ni a, kan lawm em em a ni. Shillong lama kan Mizopuite min tawiawmna leh min buaipuinaah lawmthu sawisen loh kan ba bawk. Mizo mipuiten, keini infiam mite hi min support zel tur leh kan game min hlutsak zel turin kan sawmin kan ngen tak zet che u a ni.”